Íslenska
Greinar

26.6.2009 HRH
Jöfnum leikinn
inngangur að bókinni
Á kvennaráðstefnu Sameinuðu þjóðanna í Peking árið 1995 var hugtakið kynjasamþætting (e. gender mainstreaming) orðið það viðurkennt í alþjóðlegri kynjaumræðu að það komst inn í samþykktir ráðstefnunnar. Um árabil hafði baráttufólk fyrir jafnrétti og jafnri stöðu kynjanna bent á hversu óheppilegt og ólíklegt það væri til árangurs að jafnréttisumræðan væri úti á jaðrinum í sérhólfi merkt: Konur. Brýnt væri að koma umræðunni alls staðar að þar sem ákvarðanir eru teknar og stefna mótuð. Kyn skiptir máli og er eitt af því sem alltaf ber að hafa í huga við alla greiningu á samfélagi okkar. Umræðan á að snúast um kynin – bæði konur og karla – því breytingar á stöðu annars kynsins hafa áhrif á hitt. Ef kyn er ekki haft í huga er hætt við að ákvarðanir séu teknar sem hafa ófyrirsjáanlegar afleiðingar, skaða eða gagnast aðeins öðru kyninu.


Lesa

26.6.2009 HRH
Samþætting kynja- og jafnréttissjónarmiða í stjórnsýslu


Með kröfunni um kynjasamþættingu er ráðuneytum og opinberum stofnunum gert að meta áhrif ákvarðana sinna og stefnumótunar á kynin. Með nýjum jafnréttislögum, sem gengu í gildi í byrjun árs 2008, er kynjasamþætting fest í sessi sem ein mikilvægra leiða til þess að koma á jafnrétti. Hugtakið hefur hingað til ekki verið nægilega skýrt, hvorki fyrir almenningi, né þeim aðilum stjórnsýslunnar sem það á við um. Mikilvægt er að gera átak til að fylgja eftir ætlun jafnréttislaga og tryggja innleiðingu verkferla í ákvarðanatöku sem virða kynja- og jafnréttissjónarmið.

Lesa
Skráðar greinar: 2 - Síða: 1 af 1


Þetta verkefni er styrkt af PROGRESS – áætlun Evrópusambandsins á sviði vinnu og félagsmála (2007-2012). Upplýsingarnar á þessari vefsíðu (eða í annarri útgáfu) endurspegla ekki endilega afstöðu eða skoðun framkvæmdastjórnar Evrópusambandsins.